حكايتنا بدأت من فرنسا 1780:

1- قبل 240 سنة بالتمام، حصلت ظاهرة غريبة في فرنسا! كانت كل الخيول اللي بيستخدموها في الحناطير والعربيات بتخرج عن السيطرة وعملت مشاكل كثير واتسببت في حوادث واصابات ووفيات !
ففكر أحد العلماء الفرنسيين وقلك:
طيب ليه منحاولش نستغنى عن الأحصنة؟ ليه منحاولش نخترع عربيات تتحرك بنفسها ومن غير خيول ؟ والحاجة أم الأختراع فعلا! تلات سنين وظهر للنور أول عربية بالبخار وبثلاث عجلات بس كانت بطيئة جدا لدرجة ان هي كانت أبطأ من الانسان نفسه
فمتحلتش المشكلة وكأنك ي أبو زيد ما غزيت ..

مانهايم_ألمانيا: 1800:
2- رجع الناس للعربيات اللي بتجرها الخيول ، واتصالحوا مع بعض وبقوا ملبن على عسل بس كان في عبقري ألماني اسمه كارل بنز هو وزوجته بيرتا مش راضيين بالوضع دا ونفسهم يرجعوا فكرة العربيات اللي بتعتمد على نفسها تاني من غير خيول! وفعلا اخترعوا عربية بأربع عجلات وسموها على اسم بنتهم “مرسيدس ” فبقى اسمها مرسيدس بنز! وانتوا طبعا عارفين باقي الحكاية ..

3- الاسكندرية – مصر 1890 :
انتشرت صناعة العربيات وتطورت العربيات جدا ، وبدأ استخدام البترول في تشغيلها بديلا عن البخار ، وف 1890 شاف المصريين العربية لأول مرة لما جلب الأمير عزيز حسن ابن الخديوي إسماعيل عربية خاصة بيه من أوروبا وقادها من القاهرة للاسكندرية في رحلة استغرقت عشر ساعات ! واتاسس بعديها نادي السيارات في مصر وبدأ انتشار السيارات بطول المحروسة وعرضها ولكن كانت ملكيتها مقتصرة ع الأجانب والأتراك بس.

4- مصر .. 1900 – 2000 :
كان قطاع النقل وعدد العربيات بيزيد في مصر بس بوتيرة هادية وكانت أغلب مناطق الريف والأقاليم معتمدة على الحناطير والكرتات لسه ، فوصل عدد خطوط النقل في مصر ف الستينات مثلا ل 6000 خط وعدد السيارات ل 43 ألف سيارة ، زاد العدد ف السبعينات الضعف وفضل يزيد لحد ما وصلنا بنهاية التسعينات ان الطرق المرصوفة وصلت أكثر من 50 ألف كيلو وبقى عندنا فوق ال 800 ألف سيارة !

5- مصر .. بعد 2000 :
كانت الدنيا لذيذة وهادية واللي عنده عربية بيستمتع بيها ف شوارع مصر والناس بتعتبره فريد من نوعه ، وبعد ألفين الناس اتجننت ي فورزي ! كمية اقبال على شراء السيارات بالهبل ي مؤمن ، عشان نوصل في 2017 ان عندنا أكثر من 10 مليون عربية مرخصة ! ده يشمل الملاكي بس ، ده غير التكاتك والأتوبيسات والعربيات الأجرة والعربيات المش المرخصة .. يعني لو حسبناها بالبلدي كده ، مصر فيها أكثر من 15 مليون مركبة !!
وده أثر على حاجات كثير وعمل مشاكل كثير:
1- زحمة مرورية بشكل رهيب في كل المدن الكبرى زي القاهرة والاسكندرية وبورسعيد ..وزحمة أوقات الذروة في كل الطرق تقريبا !
2- زيادة استهلاك مصر بشكل رهيب من البترول والبنزين لدرجة الاستيراد
3- التلوث والمشاكل الصحية على الصدر والسمع وغيره !
وده حول العربية بعد ما كنت حل لمشكلة ، وبقى اللي عنده عربية بيهرب منها خوفا من الزحمة ! خوفا من تكاليف البنزين ! خوفا من التأخير ! خوفا من حاجات كثير !

6- O2Share ….2018
زي ما العالم الفرنسي وكارل بنز اخترعوا السيارة عشان يحلوا مشكلة الخيول ، اوتوشير كان الاختراع عشان ترجع السيارة هي الحل من تاني ، ونحل كل المشاكل اللي حصلت من زيادة عدد السيارات !
أوتوشير باختصار بيعرض ثقافة المشاركة في الطريق كحل جديد ، بحيث لو مجموعة من الناس بياخدوا نفس المشوار ممكن يتشاركوا نفس العربية من خلال ابليكاشن مصري 100 ، صاحب العربية هيكسب فلوس من خلاله ، والراكب هيوفر على نفسه تكاليف وتعب ووقت ومجهود فالكل كسبان وبلدنا كسبانة